Беларусі ордэнаноснай (1937)/Нашаму святу

З пляцоўкі Вікікрыніцы
Перайсці да навігацыі Перайсці да пошуку
Вялікаму Кастрычніку Нашаму святу
Верш
Аўтар: Янка Купала
1937 год
Дыктатура працы

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




НАШАМУ СВЯТУ

Расчыні шырока дзверы,
Мілая старонка,
Выйдзі стрэнуць свой Кастрычнік
Песняй гулкай, звонкай!

Свята нашай гадавіны,
Хоць і ўвосень свята,
Свеціць вечнаю вясною
Нашым гоням, хатам.

Гэй вы, хлопцы, гэй, дзяўчаты,
Комсамол шчаслівы,
Cыпце кветкі, сыпце радасць
Нашым сёлам, нівам!

Перад намі ў сонцы, ў зорах
Будучыня наша,
Кожны дзень сягоння лепшы,
Як быў учарайшы.

Наша праца не йдзе марна
У полі, на заводзе,—
Аб здабытках, дасягненнях
Слава ходам ходзіць.

Мы не марамі сягаем
Высака пад неба,—
Самалёты—нашы птахі—
Даль вышынь цярэбяць.

Мы не пекла дасягаем
У зямлі глыбінах,
А багацце здабываюць
Нашыя машыны.

Нашы межы не баяцца
Здрадніцкіх напасцяў,
Мы сяўцы для чалавецтва
Яснай праўды, шчасця.

Нашых песень, светлых думак
Нішто не зацемрыць—
Ні наганы, ні кайданы
Фашыстоўскай хэўры.

Мы ідзем у сонцы з сонцам
Маладым паходам.
Слава бацькаўшчыне нашай
І яе народам!

Слава сокалу, што родам
З-пад каўказскіх скалаў,
Што з Крэмля праменні сее
З юнацкім запалам!

2/XI-35 г.