Беларускі правапіс (1943)/III/А/4

← § 3. Пытальнік

§ 4. Шматкроп’е Падручнік Аўтар: Антон Лёсік 1943 год

§ 5. Коска →

Прапануем да спампаваньня!

§ 4. Шматкроп’е (…)

Правіла 4. Шматкроп’е ставіцца:

1) для азначэньня перарванай або няскончанае мовы, прыкл.:

Гэта праўда… Жыцьцё само паказвае. Кіруе… Людзі, што дробныя часткі магутнай, вялізнай машыны… Закон, непарушаны закон жыцьця… (М. Зарэцкі).

Ты ужо уходзіш, браце, у годы… Колькі табе будзе?

2) Шматкроп’е ставіцца, калі прыводзяць цытату не з пачатку сказу, або працяг цытуецца ня поўнасьцю, прыкл.:

«На Нямізе снапы сьцелюць галавамі», успамінае пясьняр «Слова аб палку ігаравым», … «жыцьцё кладуць на таку … Нямігі крывавыя берагі не дабром былі засеяны».