Беларускі правапіс (1943)/II/А/10
| ← § 9. Правапіс прыйменьнікаў і прыставак | § 9. Правапіс злучнікаў Падручнік Аўтар: Антон Лёсік 1943 год |
§ 11. Правапіс часьцінак → |
Прапануем да спампаваньня!
§ 10. Правапіс злучнікаў
Правіла 103. Складаныя злучнікі пішуцца зьлітна, напр.: абы, ажно, або, ато, аднож, каб, быццам, нашто, зашто, затым, затое, прынамсі.
Правіла 104. Складаныя злучнікі: нашто, зашто, затым, затое трэба адрозьніваць ад займеньнікаў з прыйменьнікамі або дапаможнікамі, бо займеньнікі пішуцца асобна ад другіх словаў, прыкл.: «Нашто дарма траціць час?», але: «На што паставіць лямпу?» — «Затым мяне ня было дома, што я быў на працы», але: «За тым домам быў вялікі сад». У першых сказах словы: нашто, затым — злучнікі, а у другіх сказах словы: на што, за тым — займеньнікі і дзеля таго напісаны асобна ад прыйменьнікаў на, за.