Беларуская граматыка для школ/Лекцыя 4

З пляцоўкі Вікікрыніцы
Лекцыя 3 Беларуская граматыка для школ
Лекцыя 4
Аўтар: Браніслаў Тарашкевіч
Лекцыя 5

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Лекцыя 4[правіць]

А. Пакажы словы, што азначаюць назовы прадметаў:
ВЕРНЫ ПРЫЯЦЕЛЬ.

У аднаго селяніна быў вялікі сабака. Стаў ён стары і ўжо не мог вартаваць гаспадарскага дабра. Не хацелася селяніну дарма карміць сабаку. Вось ён узяў з сабой вяроўку і камень ды пацягнуў сабаку да ракі.

Глядзіць на яго сабака разумнымі вачыма, быццам разумее, што думае гаспадар.

Сеў гаспадар з сабакам ў човен, ад’ехаў ад берагу і стаў прывязваць камень сабацы да шыі. Пасьля устаў і піхнуў нагой сабаку ў ваду, ды з размаху й сам туды-ж уваліўся.

§6. Слова, што азначае імя або назоў прадмету, называецца іменем прадметным, або прадметнікам, напрыклад: прыяцель, селянін, сабака, дабро, вяроўка, камень і г.д.

Б.
  1. Перапісаўшы, падчыркні прадметнікі:
ВЕРНЫ ПРЫЯЦЕЛЬ (далейшы працяг).

Захліснула яго хваля, зусім ўжо пачаў тануць. Раптам чуе — нехта цягне яго. А гэта яго сабака. Камень адвязаўся, і ён кінуўся ратаваць свайго гаспадара. Схапіў зубамі за кашулю, выплыў зь ім да берагу і ледзь жывы расьцягнуўся на беразе.

Заплакаў селянін, абняў сабаку, стала яму стыдна. Да самае сьмерці карміў і даглядаў ён вернага свайго прыяцеля.

  1. Напішы ад сабе пяць прыкладаў прадметнікаў.