Барвенак (1924)/Трывогі і надзеі/Мне хочацца

← Ад шумаў гарадзкіх

Мне хочацца Верш Аўтар: Алесь Гурло 1924 год

Дзе акорды →

Іншыя публікацыі гэтага твора: Мне хочацца…

Прапануем да спампаваньня!

МНЕ ХОЧАЦЦА…

Мне хочацца сонца паўднёвага ласкі,
Мне хочацца сонца паўднёвага чар,
Мне хочацца паху раскветшае краскі,
Мне хочацца зьдзейсьненьня мар…
Загэтым ўзбуджаю я ў сэрцы грымоты,
Загэтым ўзбуджаю я сонасьць душы;
Загэтым я рвуся маланкай ў высоты,
Загэтым цураюсь спакою, цішы…
Пачуцьці-трывога — мая навальніца,
Пачуцьці-імкненьне — дух творчы расы,
Пачуцьці-зьдзяйсьненьне, то — шчасьця крыніца,
Пачуцьці-паўднёвасьць — жыцьцёвасьць красы…

Менск, 1923 г.