Байкі, гумар, сатыра/Байкі/Малпа і люстра

З пляцоўкі Вікікрыніцы
Перайсці да навігацыі Перайсці да пошуку
Млынар і куры Малпа і люстра
Байка
Аўтар: Іван Крылоў
1928 год
Арыгінальная назва: Зеркало и Обезьяна
Пераклад: Баляслаў Друцкі-Падбярэскі
Індык

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Малпа і люстра.

Байкі, гумар, сатыра (1928). Стар. 43.jpg

Убачыўшы у люстры абраз свой
Мядзьведзя малпа тоўк нагой.
„Пабач, кум, кажа — што за рыла!
Якія строіць міны ды грымасы!
Дальбог, каб з ёю крыху схожа была
Я-б удавілася у той час!

Аднак,
Прызнаць павінен ўсяк,
Што гэтакіх якраз крыўляк
Дзесятак добры набярэцца
Сярод маіх сястрычак ды знаёмых.
Я на’т магла-б назваць усіх імёны…

— Эх, кума! а мне здаецца,
Што чым другіх шукаць-капацца,
Мо’ лепей было-б прост прызнацца,
Што бачыш ў люстры абраз свой…

І, што тут была! Божа-ж мой!
Пачуўшы малпа раду гэту,
Чуць не зжыла кума са сьвету!
На век ён страціў кумы ласку…


Каб паясьніць нам гэту казку
Ня трэ’ прыкладаў шмат шукаць:
Іх можна кожны час спаткаць.
Чым больш хто душу чорну мае,
Дык як-небудзь,
Каб ад сябе увагу адвярнуць
І не папасьць ў адказ —
Такі панок ураз
Абвінавачаньні другім кідае…