Агні (1930)/Людзі/Няма Труса

← Правадыру

Няма Труса Верш Аўтар: Юлі Таўбін 1930 год

Інвалід →

Іншыя публікацыі гэтага твора: Няма Труса.

Прапануем да спампаваньня!

НЯМА ТРУСА…

Паўлюку Трусу ў пасьмертны вянок.

Так проста, жорстка і сталёва,
Чыясьці моцная рука
Ударыла…
І труцяць словы:
„Няма Труса“…
І вось — Алеся сірацее,
На быльнягу сьлязьмі раса…
Далёка гусі адляцелі —
Няма Труса…
Так проста, жорстка і сталёва…
Увосень — падае краса…
І труцяць сэрца злыя словы:
„Няма Труса“…

1-IX 1929
Менск