Агні (1930)/Гарадок/На рагу

← ⁂ (Даверлівы зусім ня скептык)

На рагу Верш Аўтар: Юлі Таўбін 1930 год

Васількі →

Іншыя публікацыі гэтага твора: На рагу.

Прапануем да спампаваньня!

НА РАГУ…

На рагу мы стрэліся з табою
У ліпнёвы поўдзень…
Быў прыпар…
І скрыпеў, і плакаў пад нагою
Зломлены драўляны тротуар.

Праскакала траская пралётка…
Ты прайшла, адвёўшы ў бок пагляд…
А ці помніш — восені салодкасьць…
Нашу стрэчу… Шум нямых прысад?

1929