Zbornik «Našaj Niwy» (1912)/2/Staraja Biełaruś/Słuckije tkačychi

← Pierapisčyk

Słuckije tkačychi Верш Аўтар: Максім Багдановіч 1912 год

Kniha →

Іншыя публікацыі гэтага твора: Слуцкія ткачыхі.

Прапануем да спампаваньня!

SŁUCKIJE TKAČYCHI.

Ad rodnych niŭ, ad rodnaj chaty
U panski dwor dziela krasy
Jany, biazdomnyje, uziaty
Tkać załatyje pajasy.
I ciaham doŭhije časiny,
Dziawočyje zabyŭšy sny,
Swaje šyrokije tkaniny
Na ład persidzki tkuć jany.
A za ścianoj śmiajecca pole,
Zijaje nieba z-za wakna.
I dumki mknucca mimawoli
Tudy dzie rasćwiła wiesna,
Dzie blišče zbožže ŭ jasnaj dali,
Siniejuć miła wasilki,
Chałodnym srebram zjajuć chwali
Miž hor lijučejsia reki,
Ciamnieje kraj zubčaty bora…

I tče, zabyŭšysia, ruka
Zamiž persidzkaho uzora
Cwiatok radzimy wasilka.