Z rodnaha zahonu (1931)/VI/Za što

← Wasilok

Za što Верш Аўтар: Андрэй Зязюля 1931 год

Wieru →

Іншыя публікацыі гэтага твора: За што? (Зязюля).

Прапануем да спампаваньня!

ZA ŠTO?

(Z pryčyny falšu ŭ Nr. 149 „Kur. Lit.“)

Za što nienawiść, pieraśledy
My daznajom ad Was, Pany?
Za što falšywyja ujedy
Praz Was da druku padany?

Ci nie za toje, dzieci nočy,
Wy strašny homan padniali,
Što praŭda ŭsim Wam kole ŭ wočy,
Što praŭdu Wy zapradali?

Ci nie za toje, što na mowu,
Jakoj ŭžywaje naš narod,
Wy ździek nakinuli i słowu
Zamknuć žadajecca Wam chod?

Ci nie za toje, što mužyckaj
Ŭ Was mowa hetaja była,
Što i ŭ siamiejcy katalickaj
Jana apieku zdabyła?

Nia wyklikajcie-ž waŭka z lesu,
Nia šyrcie falšu miž ludziej,
Bo pryjdzie čas sarwać zawiesu
I ŭbačyć świet Waš podły dziej.

Absiadźcie-ž, lepiej nie čapajcie
Spakojnaj pracy hramadzkoj,
I jamy ryć nie pačynajcie,
Bo sami budziecie u joj!…