Z rodnaha zahonu (1931)/I/Z psalmu

← Pieśnia z rodnaha zahonu

Z psalmu Верш Аўтар: Андрэй Зязюля 1931 год

Sudzi mianie →

Іншыя публікацыі гэтага твора: З псальму (Зязюля)

Прапануем да спампаваньня!

I. Relihijnyja.

Z PSALMU.

Ščaśliwy, chto ŭ radu błahich nia ŭstupaje,
Chto wybraŭ wuzkuju darohu,
Da nieba jdzie joju, haścincy minaje,
Što ciahnuć da piekła parohu.

Ščaśliwy, chto Bohu na słužbu addaŭsia,
Kab ščyra arać Jaho niwu,
Ščaśliwy, chto wiernym wa ŭsim Jamu staŭsia,
Zdaleŭšy naturu laniwu.

Ščaśliwy, chto ŭcuŭšy harotnych stahnańnie,
Pa wuzkaj, ciarnistaj darozie
Pašoŭ z dobraj woli swajej na spatkańnie
Im biednym — i staŭsia ŭ spamozie.

Chto zwažyŭ marnotu dačasnaści hetaj,
Pa ściežcy ciasnoty jdzie śmieła,
Dy złucany wieraj sa świetłaju metaj
Dušu swaju lubić — nia cieła.

Chto jšoŭ pa askołkach prykładam Chrystowym,
Pjučy horki kielich ciarpieńnia,
I kožnuju chwilu pajści byŭ hatowy
Za praŭdu na ździek zaślapieńnia.

Chto wypaŭniŭ ščyra prykaz miławańnia,
Jak sam siabie bližniaha swoha,
Dzialiŭsia z ubohim kusočkam nadańnia,
Uspamohšy ŭ patrebie čym zmoha.

Chto wierny byŭ Bohu ŭ pryzwańni zaŭsiody,
Spačatku da samaj kančyny —
Woś toj tolki wiečnaje warty nahrody —
Być synam niabiesnaj ajčyny.