Vita (1926)/Сугучнасьць/Скамячыўшы злосьць

← Здаецца

Скамячыўшы злосьць Верш Аўтар: Язэп Пушча 1926 год

З тугі вялікай на душы →

Іншыя публікацыі гэтага твора: Скамячыўшы злосьць у сэрцы…

Прапануем да спампаваньня!

СКАМЯЧЫЎШЫ ЗЛОСЬЦЬ

Скамячыўшы злосьць у сэрцы,
я цалаваў асфальту шчокі.
Мая радасьць рвалася на чверці,
і не хацеў ні з кім я чаркі чокаць.

Дый не таму, што быў сярдзіты,
а так…
Бываюць горкія прычыны.
Ніколі сябру не сказаў: ідзі ты,
калі ён смутак піў нішчымны.

А мне?
Нашто, нашто ўспаміны? —
У песьні ўсё, як у крышталі.
Эх!.
Але-ж ці варта?..
Ў вачох іх студзіцца кавалак сталі.