Vita (1926)/Мэлёдыі/Ночка моўчкі крочыць

← Непагодай

Ночка моўчкі крочыць Верш Аўтар: Язэп Пушча 1926 год

Дух мой узьвіўся высока →

Іншыя публікацыі гэтага твора: Ночка моўчкі крочыць.

Прапануем да спампаваньня!

НОЧКА МОЎЧКІ КРОЧЫЦЬ

Апрануўшы дзень сутоньнем,
ночка моўчкі крочыць.
Ціха — толькі лес спрасоньня
песьціць зоры-вочы.

Толькі неба сінім сітам
— змрокі падсявае.
Ў сэрцы радасьць туга зьвіта, —
не пяе з аўсамі.

1923 г.