Vita (1926)/Мэлёдыі/Непагодай

← Над Прыпяцьцю

Непагодай Верш Аўтар: Язэп Пушча 1926 год

Ночка моўчкі крочыць →

Іншыя публікацыі гэтага твора: Непагодай (Пушча).

Прапануем да спампаваньня!

НЕПАГОДАЙ

Дзень, адзеўшыся смугой,
над ліпай
хліпае
імгой.

Шэльмы-ветры
гнуць асіны
ў мутнай сіні
ніцам
і базыраць з нетрай —
навальніцай

Пры выгане
сярдзіта чмыхае
крутовіна.

Круціць жвір
мяцеліцай
віхура-быстрыня.
Бушуе вір,
шумуе глыбіня,
шалее, пеніцца
вада
— і чуцен гул,
як бурбалак ганьня
у даль
між хваль:
буль-буль!
буль-буль!

1923 г.