|
Kab ty wiedaŭ brat kumišče,
Što učora widzieŭ ja?
U panoǔ było ihryšče,
Dy jakoje, aj, ja, ja!
Wot ihryšče, dyk ihryšče,
Nie takoje, jak u nas:
U cymbały bjeć žydzišče,
Jak kalom, dyk wot jakraz.
Dwa žydki u skrypki waluć,
Trejci parch u dudku dźmieć.
A u miejscy jak zasmaluć, —
Až ciabie tut zatrasieć!
Było ješče i skrypišče
U abchwat budzie jakraz,
Na jej bas, dyk wot basišče!
Jak aboryna u nas.
Muzykanty jak pryŭdarać
Usie razam kazaka,
Dyk ǔ wočach ciomna stanieć,
Až zabudzieš jazyka.
Bjecca serce, jak cepami,
Dryžać nohi pat taboj,
I u taniec iduć sami —
Prosta sami miž saboj.
A panou? dyk jak na schodzie,
Kali člen pryjedzie sam.
Ŭsie prybraŭšysia pa modzie
Ale-ž jak? i.... kudy-ž nam!
Paničy usie prybrany,
Usie ŭ kurtkach, jak adzin:
Rukawički malewany,
Boty wostryje jak klin.
Akulary-ž kožny nosie,
Wisiać tut pad baradoj.
Inšy uščamiǔ na nosie
Tancujučy z maładoj.
A kašuli — laskawany,
Ale-ž bielyje jak śnieh!
Zarukaŭki paźwiwany
I z huzami jak harech!
A panienki-ž? twar jak treba,
Ale-ž wopratki, chwihury....
Nu nie jaduć musić chleba
Adny tolki kanfitury!
Nijakoha nima składu:
Žywatoŭ u ich nimaš.
Ale styrčyć štości zzadu
Tolki jeździć na kirmaš.
Ni-to konskaja kulbaka.
Ni-to kašel, ni žaŭłak,
Ci puzyr s pad andaraka.....
Nu niawiedama nijak.
Adzin panič nie tutejšy.
Musić z miesta jon ci što:
Ad usich byŭ najstrajniejšy
I pryhož sabie ništo.
Zakryčyć kab musić walca,
Ci jakoha žyd staŭ hrać,
A žyd stary mirhielć na malca,
A toj dawaj usim mirhać.
Hladzi struny naciahajuć
Inšy ŭ dudku začnie duć,
Tahdy razam jak zahrajuć,
Jak zawaluć, jak daduć.
Kali paničy uskočać,
Pahaworać miž saboj.
Da panienak štoś balbočać,
I pajšli tak, jak na boj!
Tyc, ustali i panienki,
Kožny biare, jaku choče,
I abniaŭšy za sukienki
Siarod chaty pawałoče.....
I dawaj pa dwoch krucicca,
Jak miacielicu u nas,
Až u wačach mihacicca,
Tak drypočać inšy raz.
Pośle, pany jak zasieli
Za stałami čysta ŭsie,
Dyk pili, pili, a jeli!
Dyk nichaj ich praniasie!
Wot kab hetak my hulali
I tak pili, i tak jeli, —
Ja by cionhle byŭ na bali
Ad niadzieli da niadzieli!
|
Прапануем да спампаваньня!