Skrypka biełaruskaja (1918)/Artyst hrajka

← Na mahile

Artyst hrajka Верш Аўтар: Цётка 1918 год

Na čužoj staroncy →

Іншыя публікацыі гэтага твора: Артыст грайка.

Прапануем да спампаваньня!

ARTYST HRAJKA.

Skrypka hraje, skrypka skače,
A muzyka ŭ dušy płače,
Ściśnie struny smykam žachnie,
Až ad bolu narod achnie.
Čorny wočy, bliś, slazoju.
Struny stohnuć pad rukoju.
Sam muzyka z skrypkaj zliŭsia
I jak wiecier ŭ niebo ŭzwiŭsia
Wieś u pieśni, wieś u honie.
To śmiajecca, to znoŭ stohnie,
To ludziej usich abnimie,
To atstupić, kamień kinie.
Wo, hladzi, pa horach skače.
Miham sieŭ na skali płače.
Ślozy zbryznuŭ, hop u more.
Jak małanka na prastory,
Świecie, haśnie, cichnie, mleje.
Ŭ miesta ahnia iskra tleje.
Ruka stała. Smyk zhastryŭsia
I jak źmieja ŭ skrypku ŭpiŭsia.
Sto zahraje, što zabaje,
Sam artysta tolki znaje.