Pieršaja čytanka (1916)/Lisičyny sanki

← Sprečka sawy z waronaj

Lisičyny sanki Беларуская народная казка Аўтар: Вацлаў Ластоўскі 1916 год

Dzied i baba →

Іншыя публікацыі гэтага твора: Лісічыны санкі (Ластоўскі).

Прапануем да спампаваньня!

Lisičyny sanki.

Paświŭ adzin pastušok byčki, a liska padkrałasia dyj uchapiła adnaho byčka.

Wiadzie lisička byčka, wiadzie, prywieła pad krywoje drewo dyj kaže:

— «Krywoje drewo nia prostaje, — rabiciesia sanki sami!»

Skazała trojčy, i sanki zrabilisia. Tady zaprahła wolika i jedzie. Jedzie tak, jedzie, ažno biažyć woŭk i kaže:

— «Kumka, kumka, padwiazi mianie!»

— «Jak ja ciabie padwiazu, sanki pałomiš».

— „Padwiazi, kumačka, choć adnu łapu.“

— «Nu, to pałažy ŭžo!»

Pałažyŭ woŭk lapu i kaže: — «Kumka, padwiazi druhuju!»
— «Nu, to kladoŭ.»
Pałažyŭ woŭk druhuju łapu i prosicca:

— «Kumka, kumka, padwiazi treciuju». I kładzie. A ŭrešci i ŭwieś uwaliŭsia.

— „Oj, woŭče, ty taki sanki pałomiš.“ — Tut sanki tres i pałamalisia.

— «A što, ja kazała, što sanki pałomiš! Ciapier pilnuj saniej, a ja pajdu majstroŭ klikać».

Uziała liska byčka i pajšła, a woŭk astaŭsia pry pałomanych sankach.