Pieśni (1913)/III/Rwusia ja

← (Ŭ bury, ŭ nawalnicy)

Rwusia ja Верш Аўтар: Цішка Гартны 1913 год

Čaho ja chaču →

Іншыя публікацыі гэтага твора: Рвуся я.

Прапануем да спампаваньня!

17. Rwusia ja.

Hałubku

Rwusia ja ŭ dal, dzie sonce żywie
Z życietworačym świetam swaim,
Dzie pa niebu rekoju pływie
Iskrakidnaja projmia ahniu.

Rwusia ja ŭ tuju siniuju dal.
Što chawaje ŭ tumanie usie:
Nieprytomnuju radaść i żal,
I parywy — zadańnia ludziej.

Rwusia ja z usiej siły-mahí,
Bo zdajecca żyćcio tolki tam.
Dzie nia cisnuć jaho bierahi,
Dzie jaho nie pahanić ništo.

Rwusia ja ŭ dal, dzie sonce żywie;
Dzie uschodniaje niebo haryć;
Jaho świet mianie wabić, zawie, —
Z hetym świetam ja zwiazan dušoj.

---