Pieśni (1913)/III/Ŭ bury, ŭ nawalnicy

← Nieba i Ziemla

(Ŭ bury, ŭ nawalnicy) Верш Аўтар: Цішка Гартны 1913 год

Rwusia ja →

Іншыя публікацыі гэтага твора: Мая стыхія.

Прапануем да спампаваньня!

16.

Ŭ bury, ŭ nawalnicy,
Ŭ hromu, ŭ bliskawicy,
U sibirnym hule
Wietranoje siły,
U chwaleńni mora
I ŭ šumieńniu bora
Šmat čaho mnie miła,
Šmat čaho mnie blizka!

Ŭsio kruhom trasiecca,
Ŭsio kudyś niasiecca,
Łomić i zniščaje
Na puci praškody.

I nima ni zwańnia
Siłam tym strymańnia,
Jak jany hulajuć,
Jak jany bušujuć…

Chočecca puścicca
Z imi mnie j zabycca,
Što ja čuju, baču,
Wiedaju i znaju.
I łamaci łomam
Z wietram, z buraj, z hromam
Ŭsiu biadu lichuju,
Što ŭ żyćciu panuje
S kraju i da kraju!..

---