Niezabudka (1918)/IV/Lisica i rak

← Kurtataja lisica

Lisica i rak Беларуская народная казка Аўтар: Вацлаў Ластоўскі 1918 год

Prykazki →

Іншыя публікацыі гэтага твора: Лісіца і рак (Ластоўскі).

Прапануем да спампаваньня!

Lisica i rak.

Pabačyła lisica raka. Stała pryhladacca, jak jon pamaleńkú paůzie, a paśla dawaj śmiejacca z jaho.

— „Nu, dyj praworen že ty, nima što kazać! Praŭdziwy rak-niebarak. A skažy mnie, rače, ci to praŭda, što ty siem let pa wadu chadziŭ dyj tuju na parozie raźliŭ?“

— „Može kali praůda była, — kaže rak, — a ciapier brachnioj stała. Bo, wo, choć u zakład pajdu s taboj, što pieršy da taho karča dabiahu, dyj ješče tabie na krok fory dam!“

— „Dobra!“

Stanuła lisica na adzin krok pierad rakam, a rak učapiŭsia kleščami jej za chwost. Pabiehła lisička, biažyć, što duchu, ažno pył kuryć za jej. Dabiehła i kliče:

— „A dzie ty rače?“ i abiarnułasia chwastom da karčá.

A rak saskočyŭ s chwastá i adzywajecca:

— Ja tut užo daŭno ždu ciabie.