Niezabudka (1918)/II/Zacirka

← Čatyry harody

Zacirka Апавяданьне Аўтар: Вацлаў Ластоўскі 1918 год

Sielanin i zajac →

Прапануем да спампаваньня!

Zacirka.

— „Niesmačnaja siahońnia zacirka!“ Kazała Nastka, siedziučy za abiedam i pałažyła łyžku.
— „Nu, ciapier niekali mnie waryć druhuju, — atkazała maci: — na wiačeru heta samaja zacirka budzie smačniejša“.
Paśla abiedu maci z dačkoj pajšli ŭ harod. Maci kapała bulbu, a Nastka ssypała jaje ŭ miašok. Hetak papracawali jany da wiečera. Wiarnuŭšysia damoŭ, maci pastawiła na stoł zacirku. Nastka pasmakawała jaje: — „A! wo heto saŭsim druhaja zacirka!“ — skazała jana i stała jeści. Maci zaśmiejałasia i skazała: — „Heto taja samaja zacirka, katoruju ty nie chacieła jeści pry abiedzi; ciapier jana zdajecca tabie smačniejša tolki tamu, što paśla abiedu ty była na świežym pawietry i pilna papracawała“.

Prykazka: Jak papracuješ, to i ŭ cybuli smak pačuješ.