Lekcyi i Evanelii na niadzieli i śviaty (1938)/II/44

44. Na dzień śv. Afrasińni (Pruzyny)
Урыўкі зь Бібліі

1938 год
Пераклад: Адам Станкевіч

Прапануем да спампаваньня!

NA DZIEŃ ŚV. AFRASIŃNI (PRUZYNY).

I.

Braty, chto chvalicca, niachaj u Panu chvalicca. Bo nia toj, chto sam siabie chvalić, jość vyprabavany, ale kaho Boh chvalić. O, kab vy, krychu źnieśli majej nierazumnaści, ale vy i mianie znoście! Bo ruplusia ab vas rupnaściaj Božaj. Bo ja pašlubavaŭ vas čystaj dzievaj pastavić adnamu mužu Chrystusu.

(2 Kar. 10, 17—18; 11, 1—2).

II.

U heny čas skazaŭ Jezus svaim vučniam hetkuju prypovieść: padobnym budzie niabiesnaje vaładarstva da dziesiaci pannaŭ, jakija, uziaŭšy svaje lampy, vyjšli nasustrač maładomu i maładoj. Piać-ža z ich było nierazumnych, a piać mudrych. Piać nierazumnych, uziaŭšy lampy, nia ŭziali z saboj aleju, a mudryja z lampami ŭziali aleju ŭ sudziny svaje. A kali małady zamarudziŭ, usie zadramali i pasnuli. A ŭ paŭnačy ŭźniaŭsia kryk: voś małady idzie, vychodźcie jamu na spatkańnie! Tady ŭstali ŭsie henyja panny i pryhatavali lampy svaje. Nierazumnyja-ž skazali mudrym: dajcie nam vašaha aleju, bo hasnuć lampy našyja. Adkazali mudryja, kažučy: kab časam nie chvaciła nam i vam, idzicie lepš da pradaŭcoŭ i kupicie sabie. A kali pajšli jany kuplać, nadyjšoŭ małady, i katoryja byli hatovy, uvajšli z im na viasielle, i začynilisia dźviery. Tady pryjšła i rešta pannaŭ, kažučy: Panie, Panie, adčyni nam! A jon, adkazvajučy skazaŭ: sapraŭdy kažu vam, nia znaju vas. Voś-ža pilnujciesia, bo nia viedajecie ani dnia, ani hadziny.

(Mat. 25, 1—13).