Lekcyi i Evanelii na niadzieli i śviaty (1938)/II/39
| ← 38. Na dzień abo na ŭhodki paśviačeńnia Kaścioła | 39. Na dzień Chrystusa-Vaładara (apošniaja niadziela kastryčnika) Урыўкі зь Бібліі 1938 год Пераклад: Адам Станкевіч |
40. Na dzień Usich Śviatych → |
Прапануем да спампаваньня!
NA DZIEŃ CHRYSTUSA - VAŁADARA.
(Apošniaja niadziela kastryčnika).
I.
Braty, dziakujem Bohu Ajcu, katory ŭčyniŭ nas hodnymi ŭčaśnikami spadčyny śviatych u śviatle, katory vybaviŭ nas z ułady ciemry i pieranios nas u vaładarstva ŭlubionaha Syna svajho, u jakim majem adkupleńnie praz kroŭ jaho i adpuščeńnie hrachoŭ. Jon vobraz Boha niavidomaha, narodžany raniej ad usiakaha stvareńnia, bo-ž praz jaho stvorana ŭsio, što na niebie i što na ziamli, vidomaje i niavidomaje: ci heta trony, ci dziaržavy, ci kniaźtvy, ci ŭłady — usio stvorana praz jaho i dla jaho. I jon jość prad usim i ŭsio na im apirajecca. Jon hałava cieła kaścioła, jon, katory jość pačatkam, pieršarodny z pamioršych, kab uva ŭsim jon-ža mieŭ piaršenstva. Bo tak padabałasia Bohu, kab u im prabyvała ŭsiakaja paŭnata i kab praz jaho spałučyć usio z saboj, — ci što jość na ziamli, ci ŭ niebie niasučy supakoj praz kroŭ kryža jaho, — u Chrystusie Jezusie Panu našym.
(Kalas. 1, 12—20).
II.
U heny čas skazaŭ Piłat Jezusu: ci ty karol žydoŭski? Adkazaŭ Jezus: ad siabie samoha heta havoryš, ci inšyja tabie skazali aba mnie? Adkazaŭ Pilat: Ci-ž ja Žyd? Narod tvoj i starejšyja duchoŭniki ciabie vydali mnie; što ty zrabiŭ? Jezus adkazaŭ: vaładarstva majo nia z hetaha śvietu; kali-b z hetaha śvietu było vaładarstva majo, to słuhi maje zmahalisia-b, kab nia byŭ ja vydany Žydom; ciapier-ža vaładarstva majo nia zhetul. Tady skazaŭ jamu Piłat: dyk ty karol? Adkazaŭ Jezus: ty havoryš, što ja karol. Na toje ja radziŭsia i na toje na śviet pryjšoŭ, kab śviedčyć ab praŭdzie; kožny, chto jość z praŭdy, słuchaje hołasu majho.
(Jan 18, 33—37).