Lekcyi i Evanelii na niadzieli i śviaty (1938)/II/30

30. Na dzień śv. Daminika
Урыўкі зь Бібліі

1938 год
Пераклад: Адам Станкевіч

Прапануем да спампаваньня!

NA DZIEŃ ŚV. DAMINIKA.

I.

Darahi: ćvierdžu prad Boham i Jezusam Chrystusam, katory budzie sudzić žyvych i pamioršych, praz prychod svoj i praz vaładarstva svajo: navučaj słova, nalahaj u čas i nia ŭ čas, dakaraj, napaminaj, hań z usiej ciarplivaściaj i navukaj. Bo budzie čas, kali zdarovaj navuki nia ścierpiać, ale pavodle svaich pažadańniaŭ nahramadziać sabie vučycialoŭ, prahnučy taho, što łaskoča vucha, a ad praŭdy słuch adviernuć i źviernucca da bajkaŭ. Ale ty budź čujny, znoś usiakija trudy, rabi Evanelistaha rabotu, spaŭniaj svajo služeńnie. Budź ćviarozy. Bo ja ŭžo na achviaru pryhatavany i čas majho razviazańnia nadchodzie. Baroŭsia ja dobraj baraćboj, bieh skončyŭ, vieru zachavaŭ. Naastatak adłožany jość mnie vianok spraviadlivaści, katory mnie addaść Pan, spraviadlivy Sudździa, u heny dzień; i nia tolki mnie, ale i tym, katoryja lubiać prychod jaho.

(2 Tymat. 4, 1—8).

II.

U heny čas skazaŭ Jezus svaim vučniam: niachaj buduć padpajasany biodry vašy i śvietačy zapalenyja ŭ rukach vašych, a vy padobnyja da ludziej, čakajučych pana svajho, kali budzie varočacca z viasiella, kab adrazu jamu adčynić, jak nadyjdzie i pastukaje. Ščaślivyja tyja słuhi, jakich jon, pryjšoŭšy zastanie nia splučy — sapraŭdy kažu vam: jon padpajašacca, pasadzić ich pry stale i, abchodziačy, pasłuhavać im budzie. A kali-b pryjšoŭ a druhoj varcie i kali-b a treciaj varcie pryjšoŭ i hetak-by zastaŭ — ščaślivyja tyja słuhi. Viedajcie-ž heta, što kab znaŭ haspadar, a jakoj hadzinie pryjdzie złodziej, nia spaŭ-by i nie dapuściŭ-by ŭleźci ŭ dom svoj. I vy budźcie hatovy, bo Syn čałaviečy pryjdzie a hadzinie, ab jakoj vy nia dumajecie.

(Łuk. 12, 35—40).