Lekcyi i Evanelii na niadzieli i śviaty (1938)/II/25
| ← 24. Na dzień Najśviaciejšaha Serca Jezusa | 25. Na dzień śv. Antoniaha Урыўкі зь Бібліі 1938 год Пераклад: Адам Станкевіч |
26. Na dzień Naradžeńnia śv. Jana Chryściciela → |
Прапануем да спампаваньня!
NA DZIEŃ ŚV. ANTONIAHA.
I.
Braty, vidoviščam stalisia my dla śvietu i dla aniołaŭ, i dla ludziej. My hłupyja dziela Chrystusa, a vy razumnyja ŭ Chrystusie, my słabyja, a vy mocnyja, vy słaŭnyja, a my pahardžanyja. Až da hetaha času i hoład cierpim, i smahu, i nahija my, i bjuć nas pa tvary, i biaz prypynku my, i trudzimsia, pracujučy rukami svaimi; łajuć nas, a my bahasłaŭlajem, praśledujuć nas, a my znosim, hańbiać nas, a my molimsia; stalisia my jak adpadki hetaha śvietu i jak śmiaćcio ŭsich až dahetul. Nie na styd vam pišu heta, ale jak dziaciej svaich najmilejšych napaminaju ŭ Jezusie Chrystusie Panu našym.
(1 Kar. 4, 9—14).
II.
U heny čas skazaŭ Jezus svaim vučniam: niachaj buduć padpajasany biodry vašy i śvietačy zapalenyja ŭ rukach vašych, a vy padobnyja da ludziej, čakajučych pana svajho, kali budzie varočacca z viasiella, kab adrazu jamu adčynić, jak nadyjdzie i pastukaje. Ščaślivyja tyja słuhi, jakich jon, pryjšoŭšy zastanie nia splučy — sapraŭdy kažu vam: jon padpajašacca, pasadzić ich pry stale i, abchodziačy, pasłuhavać im budzie. A kali-b pryjšoŭ a druhoj varcie i kali-b a treciaj varcie pryjšoŭ i hetak-by zastaŭ — ščaślivyja tyja słuhi. Viedajcie-ž heta, što kab znaŭ haspadar, a jakoj hadzinie pryjdzie złodziej, nia spaŭ-by i nie dapuściŭ-by ŭleźci ŭ dom svoj. I vy budźcie hatovy, bo Syn čałaviečy pryjdzie a hadzinie, ab jakoj vy nia dumajecie.
(Łuk. 12, 35—40).