Lekcyi i Evanelii na niadzieli i śviaty (1938)/II/12
| ← 11. Na dzień śv. Jozefa | 12. Na dzień Źviastavańnia Najśv. Panny Maryi Урыўкі зь Бібліі 1938 год Пераклад: Адам Станкевіч |
13. Na dzień Matki Boskaj Balesnaj → |
Прапануем да спампаваньня!
NA DZIEŃ ŹVIASTAVAŃNIA NAJŚV. PANNY MARYI.
I.
U heny čas skazaŭ Pan Achazu, havoračy: prasi ŭ Pana Boha tvajho znaku sabie ŭ hłybini piekła, abo na vyšyni ŭ hary. I skazaŭ Achaz: nia budu prasić i nia budu spakušać Pana. I skazaŭ: słuchajcie-ž, domie Davidavy: ci-ž vam mała, što naprykrajeciesia ludziam, što naprykrajeciesia tak-ža i Bohu majmu? Dziela hetaha sam Pan daść znak vam. Voś dzieva pačnie i narodzić syna i nazavuć imia jaho Emmanuel. Masła i miod budzie jeści, kab jumieŭ adkidać zło, a vybirać dabro.
(Izaj. 7, 10—10).
II.
U heny čas pasłany byŭ anioł Gabryjel ad Boha ŭ Galilejskaje miesta, zvanaje Nazaret, da Panny, pašlubavanaj mužu, katoramu imia było Jozef, z Davidavaha domu, a imia Panny — Maryja. I ŭvajšoŭšy da jaje anioł, skazaŭ: pryvitana budź, poŭnaja łaski, Pan z taboj, bahasłaŭlena ty miž žančynaŭ. Jana-ž pačuŭšy, stryvožyłasia movaj jaho i dumała, što heta mahło-b być za pryvitańnie. I skazaŭ jej anioł: nia bojsia, Maryja, bo znajšła ty łasku ŭ Boha: voś pačnieš u łonie i narodziš syna i nazavieš imia jaho Jezus. Jon budzie vialiki i Synam Najvyšejšaha zvany budzie i daść jamu Pan Boh stalicu Davida ajca jaho i budzie vaładaryć u domie Jakubavym na vieki, a valadarstvu jaho nia budzie kanca. A Maryja skazała aniołu: jak-ža heta staniecca, kali ja muža nia znaju? U adkaz skazaŭ jej anioł: Duch Sviaty zyjdzie na ciabie i siła Najvyšejšaha achinie ciabie. Dziela hetaha i toje, što narodzicca z ciabie śviatoje, budzie nazvana Synam Božym. A voś Alžbieta, svajačka tvaja, i jana pačała syna ŭ starasci svajej: i hety šosty miesiac tej, katoraja zaviecca niapłodnaj, bo ŭ Boha nivodnaje słova nia budzie niemahčymym. I skazała Maryja: voś ja słuha Pana, niachaj mnie staniecca pavodle słova tvajho.
(Łuk. 1, 26—38).