Lekcyi i Evanelii na niadzieli i śviaty (1938)/I/5
| ← 4. Na IV niadzielu Adventu | 5. Na niadzielu pa Kaladach Урыўкі зь Бібліі 1938 год Пераклад: Адам Станкевіч |
6. Na I niadzielu pa Troch Karalach → |
Прапануем да спампаваньня!
NA NIADZIELU PA KALADACH.
I.
Braty, pakul spadkabiernik niapoŭnaletni, jon ničym nia roźnicca ad słuhi, choć jość panam usiaho. Jon astajecca pad apiakunami i dahladčykami až da času, jaki aznačyŭ baćka. Tak i my, pakul byli niapoŭnaletnimi, zaležyli ad pačatkavaj siły śvietu. Ale kali nadyšła poŭnia času, pasłaŭ Boh Syna svajho, narodžanaha z žančyny i padlehłaha zakonu, kab adkupiŭ tych, što byli pad zakonam, kab my atrymali synoŭstva. A zatym, što vy jość synami, pasłaŭ Boh Ducha Syna svajho ŭ sercy vašyja, jaki kliča: Abba, Ojča! I tak
nichto ŭžo z vas nia słuha, ale syn, a kali syn, dyk i spadkabiernik praz Boha.
(Gal. 4, 1—7).
II.
U heny čas Jozef i Maryja matka Jezusa dzivilisia z taho, što ab im havaryli. I bahasłaviŭ ich Symeon i skazaŭ Maryi jahonaj matcy: voś hety pałožany na ŭpadak i na paŭstańnie mnohich u Izraelu i na znak, jakomu pracivicca buduć. I tabie samoj mieč prabje dušu, kab byli abjaŭleny mnohich sarcaŭ dumki. I była Hanna praročyca, dačka Fanuela, z rodu Asser; jana dažyła vielmi staroha vieku; siem hadoŭ žyła z mužam svaim ad svajho dziavoctva, a ŭdavoj až da vosiemdziesiat čatyroch hadoŭ. Jana nie adchodziła ad śviatyni, dniom i nočaj postam i malitvaj słužačy Bohu. Jana tak-ža nadyšoŭšy ŭ toj čas, słavila Pana i havaryła ab im usim, katoryja čakali adkupleńnia Izraela. A jak spoŭnili ŭsio pavodle zakonu Pana, viarnulisia ŭ Galileju, u svajo miesta Nazaret. Dzicia-ž rasło i ŭzmacniałasia, poŭnaje mudraści, i łaska Božaja była ŭ im.
(Łuk. 2, 33—40).