Lekcyi i Evanelii na niadzieli i śviaty (1938)/I/48
| ← 47. Na XXI niadzielu pa Siomusie | 48. Na XXII niadzielu pa Siomusie Урыўкі зь Бібліі 1938 год Пераклад: Адам Станкевіч |
49. Na XXIII niadzielu pa Siomusie → |
Прапануем да спампаваньня!
NA XXII NIADZIELU PA SIOMUSIE.
I.
Braty, nadziejemsia na Pana Jezusa, što jon, pačuŭšy ŭ vas dobruju spravu, dakanaje jaje až da dnia Jezusa Chrystusa. Bo sudzić tak ab vas usich dla mianie jość spraviadliva zatym, što maju ŭ sercy vas, katoryja i ŭ maich kajdanach, i ŭ abaronie, i ŭ ućviardžeńni Evanelii byli ŭčaśnikami majej radaści. Bo śviedkaj mnie Boh, jak tužu ja pa ŭsich vas u sercy Jezusa Chrystusa. I hetaha malusia, kab luboŭ vaša bolš i bolš pavialičvalasia ŭ paznańni i ŭva ŭsiakim razumieńni, kab vy daznavali, što lepšaje, kab byli čystymi i biez zahany na dzień Chrystusavy, poŭnyja płodu spraviadlivaści praz Jezusa Chrystusa na čeść i chvalu Boha.
(Filip. 1, 6—11).
II.
U heny čas faryzei, adyjšoŭšy zrabili naradu, kab złavić Jezusa na słavach. I pasłali da jaho svaich vučniaŭ razam z herodyjanami, kažučy: vučyciel, my viedajem, što ty spraviadlivy i papraŭdzie navučaješ darohi Božaj i nie zvažaješ na nikoha, bo nie ahladaješsia na asobu čałavieka, dyk skažy nam, jak tabie zdajecca, možna płacić padatak cezaru, ci nie? A Jezus, paznaŭšy ichnuju niahodnaść, skazaŭ: čamu prabujecie mianie, kryvadušniki? Pakažycie mnie padatkavuju manetu. Jany-ž prynieśli jamu denar. I skazaŭ im Jezus: čyj heta jość voblik i nadpis? Skazali jamu: cezaraŭ. Tady skazaŭ im: dyk addajcie, što cezarava cezaru, a što Božaje Bohu.
(Mat. 22, 15—21).