Lekcyi i Evanelii na niadzieli i śviaty (1938)/I/43
| ← 42. Na XVI niadzielu pa Siomusie | 43. Na XVII niadzielu pa Siomusie Урыўкі зь Бібліі 1938 год Пераклад: Адам Станкевіч |
44. Na XVIII niadzielu pa Siomusie → |
Прапануем да спампаваньня!
NA XVII NIADZIELU PA SIOMUSIE.
I.
Braty, prašu vas, ja viazień u Panu, kab vy viali žyćcio hodnaje pazvańnia, da jakoha vy paklikany: z usiej pakornaściaj, łahodnaściaj, ciarplivaściaj, znosiačy adzin druhoha ŭ lubovi, starajučysia zachavać jednaść ducha, złučanyja supakojem. Adno cieła, i adzin duch, jak paklikanyja da adnej nadziei pazvańnia vašaha. Adzin Pan, adna viera, adzin chrost. Adzin Boh i Ajciec usich, katory jość nad usimi, i pa ŭsim i ŭva ŭsich nas. Katory jość bahasłaŭleny na vieki viečnyja. Amen.
(Efez. 4, 1—6).
II.
U heny čas padyjšli da Jezusa faryzei i zapytaŭsia jaho adzin z ich vučony ŭ zakonie, prabujučy jaho: vučyciel, jakoje jość najbolšaje prykazańnie ŭ zakonie? Skazaŭ jamu Jezus: budzieš lubić Pana Boha svajho z usiaho serca tvajho, i z usiej dušy tvajej, i z usiej myśli tvajej. Heta jość najbolšaje i pieršaje prykazańnie. A druhoje jość hetamu padobnaje: budzieš lubić bližniaha svajho, jak samoha siabie. Na hetych dvuch prykazańniach apirajecca ŭvieś zakon i praroki. Kali-ž sabralisia faryzei, spytaŭsia ich Jezus, kažučy: što vy dumajecie ab Chrystusie? Čyj jon Syn? Kažuć jamu: Davida: Skazaŭ im: dyk čamu David u duchu zavie jaho Panam, kažučy: skazaŭ Pan Panu majmu, siadzi pravaruč mianie, pakul pałažu tvaich vorahaŭ u padnožžy noh tvaich? Dyk kali David zavie jaho Panam, — jak-ža jość synam jahonym? I nichto nia moh adkazać jamu słova, ani śmieŭ chtoniebudź ad taho dnia bolš jaho pytacca.
(Mat. 22, 34—47).