Le ciel est, par-dessus le toit
Перайсці да навігацыі
Перайсці да пошуку
Le ciel est, pardessus le toit
Аўтар: Поль Вэрлен
Пераклад: Максім Багдановіч
* * *
Ціхі і сіні блішча над хатай
Неба прастор
Ціха гайдае ліпа над хатай
Лісьцяў узор
Ў небе рахманы, срэбраны голас
Звона гудзіць
Птушкі маркотнай з дзерава голас
Сумна звініць
Божа мой, божа! Мірна ліецца
Вокал жыццё
Ў горад ад гэтай цішы ліецца
Шумнае ўсё.
Што гэта? Слёзы? Што жа зрабіў ты,
Бледны ад іх,—
Горка паведай, што жа зрабіў ты
З дзён маладых?
<1911—1912>