La lune blanche

La lune blanche верш Аўтар: Поль Вэрлен 1911—1912 Пераклад: Максім Багдановіч

Прапануем да спампаваньня!

 * * *

Глянь: месяц бледны
Ў лясу гарыць,
І спеў пабедны
З галін ляціць,
Ўвесь поўны сілы.

О, друг мой мілы!

Сьвет спачывае.
Як шкло — ставок;
Ён адбівае
Калін гурток
І явар стары.

Снуй, сэрца, мары!

Спакой глыбокі
Злятае к нам
З нябес далёкіх,
І ззяе там
Блеск золку ясны.

О, момант красны!

<1911—1912>