Kazimier Swajak (1931)/III
| ← II. Ab žyćci i pracy biełaruskaha narodnaha ideoloha K. Swajaka | III. Ab žyćci i pracy biełaruskaha narodnaha ideoloha K. Swajaka Šukańnie biełaruskaj narodnaj ideohalohii — hałoŭnaja meta žyćcia i tworstwa K. Swajaka Літаратуразнаўчая праца Аўтар: Адам Станкевіч 1931 год |
IV. Swajak i Fr. Bahušewič. Padabienstwa i rožnica → |
Прапануем да спампаваньня!
III. Šukańnie biełaruskaj narodnaj ideolohii — hałoŭnaja meta žyćcia i tworstwa K. Swajaka.
Usio žyćcio i tworstwa, biez pary zhasšaha biełaruskaha pieśniara Kazimiera Swajaka, — heta adno biazupynnaje, poŭnaje muki i bolu, imknieńnie złučyć u razumnuju i harmonijnuju cełaść raściarušanyja biełaruskija dumki, zamazać usie ščeliny — padzieły ŭ dušy biełaruskaj, raźjaśnić niajasnaje, pakazać narodu toje, što jamu najbolš jość škodnaje i najbolš karysnaje, pieratapić ahniom dumki i lubowi ŭwieś biełaruski chwory arhanizm, pakryžawany čužackimi ŭpływami, — u niešta adnalitaje, skryšyć puty niawoli ducha narodu, z nutra biełaruskaha wykrasić sapraŭdy narodnaje, narodu ŭłasnaje i pryrodnaje žyćcio i dać jamu wolny bieh u raźwićci jahonym zhodna z pryrodnym zakonam žyćcia, aświečanaha niabiesnym bleskam chryścijanstwa.
Ab pracy swajej u kirunku raźwićcia biełaruskaj narodnaj ideolohii K. Swajak uspaminaje, jak my ŭžo bačyli, u apisańni swajho žyćcia, ab hetkim-ža kirunku jaho pracy, jak ab pracy asnaŭnoj paeta, prakonywajemsia i z nastupnych, uziatych tolki dla prykładu, wieršaŭ jahonych:
|
Nia pišu ja dla zabawy, Dušy zbalełaj, z muk ašalełaj, Ci bieznadziejny, zmučany, źbity, I bahasłaŭlu, Boža, Twaje dziwy Pryjdzi, Chryście, o Boža moj, Niama Ciabie, o Chryst światy, Prydzi, Chryście, nam wieru daj — |
Tak, užo z hetych, uziatych dla prykładu, niekulkich wieršaŭ K. Swajaka, widać, što zmušaje jaho bracca za piaro hłybokaja unutranaja patreba, što hałoŭnaja meta jaho tworstwa heta — ablahčyć dolu padniawolnaha brata biełarusa, skryšyć puty niawoli dušy biełaruskaj, pracawać i malicca da Boha, kab narod pačuŭ dušu swaju, šukać, — praściej kažučy, dla swajho narodu ideolohičnych šlachoŭ adradžeńnia i wyzwaleńnia, nikoli pry hetym nia spuskajučy z woka światła wyšejšaha, światła Božaha. Ale ab hetym usim prakanajemsia nižej, pryhladajučysia bližej da K. Swajaka, jak biełaruskaha narodnaha ideoloha.