Karotkaja historyja Biełarusi (1910)/Pradmowa
| Pradmowa Публіцыстыка Аўтар: Вацлаў Ластоўскі 1910 год |
Materjały da historyi → |
Прапануем да спампаваньня!
PRADMOWA.
Historyja — heta fundament, na katorym budujecca žyćcio narodu. I nam, kab adbudawać swajo žyćcio, treba pačać s fundamentu, kab budynak byŭ mocny. A fundament u nas wažny, historyja naša bahata: «žatwa mnoha, a diełaciel mało», jak kaže światoje pisańnie. Pole pustoje, bo syny baćkoŭščyny našaj k čužym u najmity pajšli, čužyje humny i zasieki bahaciać!
Bieručysia pisać karotki hety narys historyi našaj, nia mieŭ ja zmohi dać nawučny twor, płod doŭhich nawukowych dośledoŭ,—daŭ toje, na što było majej zmohi: sabraŭ z rasiejskich, polskich dy ukrainskich historykoŭ toje, što mnie wiadoma było ab historyi našaho kraju i narodu, złažyŭšy ŭ paradak, jaki kožnamu zdareńniu wyznačyło samo žyćcio.
Pracu hetu achwiaruju synom maładoj Biełarusi, kab chacia z hetaj karotkaj i niapoŭnaj pracy mahli paznawać historyju baćkoŭščyny u swajej rodnaj mowie. Dla wučonych nowaho nima tut ničoha; ŭsio, što skazana tut, znojduć jany paraskidanaje u pracach aŭtaroŭ, śpisok katorych padaju nižej. Adno tolki pazwoliŭ ja sabie: niekatoryje zdareńnia asudzić pa swojmu z stanowišča karyściej i škod biełaruskaho narodu.
Relihijnuju sprawu pryjšłosia zakranuć dziela taho, što historyja naša XWI i XWII stalećcioŭ, jak i žyćcio narodnaje, wycisnutaje zusiul, zamknułosia ŭ cerkoŭnych bractwach, i bractwy hetyje nasili adcienak jaŭna nacionalny biełaruski: ŭ ich adbywałosia zmahańnie za wieru i naciju. Hetyje stalećcia—heta čas pa-reformackaj reakcii; wa ŭsiej Eŭropie wycisnuli jany klejno fanatyzmu, nie abyjšłosia biez jaho i u nas. Woś, kali pryjšłosia mnie zakranuć hetu balačku, to asudžaju ja tut tahdyšnije časy, a nie instytucii i ludziej.
Aŭtor.
