|
Wiasioły dzień dla nas nastaŭ,
Jakoha ceły świet žadaŭ;
Siahońnia Chrystus z hrobu ŭstaŭ!
Alleluja, Alleluja, Alleluja!
Karol Niabiesny k nam prybyŭ,
Jak ćwiet na soniejku zaćwiŭ,
Pa śmierci z nami znoŭ zažyŭ!
Alleluja…
Piakielnu nietru zwajawaŭ,
Usieńkich złydniaŭ pakanaŭ,
A hrešnym łasku darawaŭ.
Alleluja…
Da troch dzion u piekle prawioŭ,
Tam paciašaŭ światych Ajcoŭ,
Paśla z saboju ich pawioŭ.
Alleluja…
A tyja, što-da-adnaho,
Jak Zbaŭcu ŭbačyli swajho,
Zahawaryli da jaho:
Alleluja…
Witaj, žadany nam, witaj!
O Chryście, nas nie pakidaj,
Z piakielnaj mocy wybaŭlaj.
Alleluja…
Jakuju-ž radaść mieli ŭ ćmie,
Jak Zbaŭcu ŭbačyli ŭ siabie,
Jakoha zdaŭna ždali ŭsie.
Alleluja…
Na treci dzień sam z hrobu ŭstaŭ,
Piačaciaŭ na‘t nie pačapaŭ,
Na stražaŭ žudki strach napaŭ.
Alleluja…
A jak Chrystus z mahiły ŭstaŭ,
Swaich apostałaŭ witaŭ,
Da Matki aniełaŭ paslaŭ.
Alleluja…
Anioły wiernyja maje!
K Paniency jdzicie wy chutčej,
K Najświatšaj Matačcy majej.
Alleluja…
Witajcie Dziewu ad Mianie,
I zaśpiawajcie dla Jaje:
Witaje twoj synok Ciabie!
Alleluja…
Paśla u jasnaści takoj
Da Matki zbližyŭsia światoj
I prywitańnie kaža joj:
Alleluja…
Budź poŭna radaści usia,
Matula rodnaja maja,
Žałoba skončyłaś twaja.
Alleluja…
Witaj-ža, Jezu moj žywy,
Synok moj luby, załaty,
Paciecha ŭsiakaje dušy!
Alleluja…
Ach, wielmi wiesieła ŭžo mnie!
Žywoha ŭbačуŭšy Ciabie,
Jak nowym świet staŭ dla mianie.
Alleluja…
Tak wiesieła z Im reč wiała,
Całujučy rany Chrysta,
Z wialikim ščaściem adyjšła.
Alleluja…
O Chryste, što ŭstaŭ u try dni,
Hrachi nam našy adpuści,
Dušy zbaŭleńnie pryniasi!
Alleluja, Alleluja, Alleluja!
| 
Прапануем да спампаваньня!