Hołas dušy (1934)/V/Na Wialikdzień/Radujmosia, chryścijanie

← Wiasioły dzień

Radujmosia, chryścijanie Песьня 1934 год

Uwieś świet →

Прапануем да спампаваньня!

II. Radujmosia, chryścijanie…

Radujmosia, chryścijanie,
Bo Chrystusa z hrobu ŭstańnie
Darawała nam zbaŭleńnie.
Alleluja, Alleluja, Alleluja!

Patryarchi rady stali,
Što ŭ atchłańniach prabywali,
Jak Zbaŭcu swajho daždali.
Alleluja…

I ubačyli jasnoha
Jon adniaŭ moc ducha złoha,
Im skazaŭ iści da Boha.
Alleluja…

Z hrobu kamień adwaliŭsia,
Chrystus z umioršych zbudziŭsia
I Maryjam abjawiŭsia.
Alleluja…

Apostały sabralisia,
Što byli ŭžo razyjšlisia,
Pa Chrystusie smuciačysia.
Alleluja…

My ŭsie razam zaśpiawajma,
Uskrašeńnie razmyšlajma,
Z hrechu ŭstać pastanaŭlajma.
Alleluja…

Chryste, praz z hrobu paŭstańnie,
Daj nam hrachoŭ darawańnie,
Wiečnaje dušam zbaŭlennie.
Alleluja, Alleluja, Alleluja!

---