Hołas dušy (1926)/II/Światoha Jozefa

← Ačyščeńnie, abo Dziewy Maryi Hramničnaj

Światoha Jozefa Казаньне Аўтар: Казімір Сваяк 1926 год

Apawieščańnie Dziewy Maryi →

Прапануем да спампаваньня!

Światoha Jozefa.
(19 sakawika).

1. Światy Jozef byŭ dziela swajej čystaty Maryi ŭlubiencam. Wybar hety byŭ dla jaho wialikaj Božaj łaskaj, bo woli jaho paddany byŭ sam Jezus i Maryja. Budź čysty, skromny, pakorny jak Jozef, a budzieš miły dla hetaj Siamiejki Najświatšaj; i pabačyš jaje ŭ niebie i uściešyšsia na zaŭsiody.

2. Św. Jozef byŭ nazwany ajcom Jezusa. Zwažaj na pakoru Zbaŭcy, katory choć moh pryjści na świet u pałacy, wybiraje sabie ajca ŭbohaha i niaznanaha, katory trudom štodziennym zarablaje sabie na chleb budni. Za prykładam św. Jozefa nie addalajsia ad Jezusa. Biary Jaho na świedku swajej pracy i časta

hawary z im na malitwie. Pryhledźsia tak-ža, jak św. Jozef pracuje dla Jezusa i Maryi. Achwotna byŭ ukrytym i zabytym, dbajučy tolki ab Boham paručanych jamu asobach. I ty pry kožnaj swajej rabocie imknisia dumkaj da Jezusa i Maryi, a trud twoj — zbawić ciabie.

3. Św. Jozef pamior na rukach Jezusa i Maryi. Ščaśliwy skon! I ty chacieŭ-by śmierci nabožnaj. Malisia-ž, kab pry śmierci twajej Jezus i Maryja byli miłaj asałodaj. Pryzywaj św. Jozefa. Św. Teresa piša, što św. Jozef spoŭniŭ jaje kožnuju prośbu. Wymaŭlaj z pawažańniem hety światyja imiony, apošniaje-ž twajo słowa na hetym świecie niachaj budzie: „Jezus — Maryja — Jozef“.