Chrest na swabodu (1906)/Dobryja wieści

← Mora

Dobryja wieści Верш Аўтар: Цётка 1906 год

Buntaŭnik →

Іншыя публікацыі гэтага твора: Добрыя весьці (Цётка).

Прапануем да спампаваньня!

DOBRYJE WIEŚCI.

Ach, bracie rodny, niesucca wieści,
Użo hrajuć marszy tam na uschodzi,
Nad kożnaj chataj, u kożnom mieści
Szczabieczuć ptuszki nam a swabodzi.

Usich złuczyła czaroŭna słowa;
Żalezny obrucz skuŭ nam dałoń.
I matka syna dać nam hatowa
I żonka muża wyszle ū ahoń.

I dzied stareńki bieżyć ū drużynu
I ūnuczak śledam dzieda śpieszyć.
Chłopiec, abniaŭszy lubu dzieŭczynu,
Na barykadach śmieła staić.

Ach, bracie, wielka siła ū narodzi!
Dobryje wieści zusiul iduć…
Bo to miljony razam u zhodzi
Da lepszaj doli śmieła iduć.

Ach! bracie, wielki mement prychodzić
Wielku achwiaru prydziecca dać:
Na niebi sonka szczaścia uschodzić,
Tolki patreba chmary prahnać!