Biełaruski chryścijanski ruch (1939)/Ustupnyja uvahi
| Ustupnyja uvahi Прадмова Аўтар: Адам Станкевіч 1939 год |
I. Vytoki biełaruskaha nacyjanalnaha adradžeńnia i chryścijanstva → |
Прапануем да спампаваньня!
USTUPNYJA ŬVAHI
U hetaj knizie maju namier apisać prynamsi ŭ ahulnych narysach biełaruski chryścijanski adradženska-nacyjanalny ruch ad samych jaho pačatkaŭ. Ruch hety maje svaju cikavuju historyju, viedać jakuju treba kožnamu, chto cikavicca spravaj biełaruskaha sučasnaha adradžeńnia i asabliva tamu, chto na nivie hetaj sam pracuje.
Z tych niamnohich prac u litaratury biełaruskaj i polskaj, jakija razvažajuć pačatki biełaruskaha adradžeńnia, asabliva ž jaho hramadzka-palityčny bok, čytač usiej praŭdy ab hetaj vialikaj spravie nie daviedajecca. A heta zatym, što biełaruski adradženski ruch, jaki apiraŭsia na asnovach chryścijakska-narodnych, pakul nia pryniaŭ vyraznaj formy Chryścijanskaj Demakracyi (BChD), byŭ jak by ŭ cieni, jak-by bajaŭsia pakazacca na śviet Božy. Adnak treba viedać, što kirunak hety, badaj raniej ad kirunkaŭ biełaruskich inšych, a prynamsi vobak z imi, paŭstaŭ i pracavaŭ na nivie biełaruskaha adradžeńnia.
Voś-ža, kab dapoŭnić hetyja skromnyja viestki ŭ biełaruskaj i ŭ čužoj litaratury ab biełaruskim hramadzka-palityčnym žyćci i kab takim čynam, jak svajmu hramadzianstvu, tak i čužomu, dać ab hetaj spravie šmat što novaje, jamu časta susim niaviedamaje, napisaŭ ja hetuju historyju biełaruskaha chryścijanskaha ruchu.
Historyju hetu dzialu na addzieły, jakija bolš-mienš abyjmajuć usio biełaruskaje adradženska-palityčnaje žyćcio, jakoha chryścijanski śvietahlad, śpiarša padśviedama, a paśla śviedama, stanaviŭ adnu z hałoŭnych, składovych častak.
Čytač tut spatkaje śpiarša samyja rańnija vytoki i zarodki biełaruskaha narodna-chryścijanskaha ruchu, paśla niearhanizavanyja jašče jaho pačatki, tady arhanizavany ruch hetaha kirunku ŭ Chryścijanskaj Demakratyčnaj Złučnaści i ŭ Biełaruskaj Chryścijanskaj Demakracyi i ŭrešcie inšyja hałaŭniejšyja prajavy biełaruskaha narodna-chryścijanskaha ruchu, jakija adbyvalisia paza hetymi arhanizacyjami. Pry hetym padčorkvaju, što ŭ hetaj pracy biaru pad uvahu pradusim prajavy biełaruskaha chryścijanskaha ruchu z hledzišča hramadzkaha i palityčnaha, a čysta kulturnyja i relihijnyja tolki mimachodam i nastolki, naskolki heta nia było zakranutym u maich inšych pracach.
AD. ST.