Abrazki (1913)/Ci ja winawat?..

З пляцоўкі Вікікрыніцы
Maci Ci ja winawat?..
Абразок
Аўтар: Змітрок Бядуля
1913 год
Nad sażałkaj
Іншыя публікацыі гэтага твора: Ці я вінават?..

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Ci ja winawat?..

Dumy, dzieci dušy majej, mnie supakoju nie dajuć.

Ci ŭżo pad hetkaj planetaj dziaciuk radziŭsia?..

Ci mo’ ja sam winawat u niedbałaści swajej?..

Sachu ja ŭ ruki nie biaru; siakiera wyščerbiłaś, nawat i łučynu raščepać achwoty nimašaka. Susiedzi śmiajucca, što mazaloŭ jakby nie było na rukach maich.

Ot paziraŭby, jak soniejka na bałocie zachodzić i stahi załacić… Jak kaniuch płače nad jawaram… Ciahaŭsia-b načami pa chwojniku, apuściŭšy haławu na hrudzi, załamaŭšy ruki na plečy… Zaŭsiody ad maładzika da wietocha hetak rabiŭ-by…

Ci ja winawat, što niejak lublu pazirać, jak żudasny les moŭčki kałyšecca pad zijańniem zorak paŭnočnych. Ci ja winawat, što lublu na čoŭnie pa šyrokaj plosie płyści… Nad majej haławoj dzikaja kačka krużycca, i sałodki smutak napaŭniajeć dušu maju, niby kielich čystaj kryničnaj wadoju… Ci ja winawat?..