Юнацкі сьпеўнік (1944)/Мы выйдзем шчыльнымі радамі

Мы выйдзем шчыльнымі радамі
Верш
Аўтар: Макар Краўцоў
1944
Крыніца: Юнацкі сьпеўнік, 1944

Іншыя публікацыі гэтага твора: Ваяцкі гімн

Прапануем да спампаваньня!

Мы выйдзем шчыльнымі радамі

Мы выйдзем шчыльнымі радамі
На родны, вольны свой прастор,
Хай воля вечна будзе з намі,
А гвалту мы дамо адпор,
Дамо адпор.

Хай жыве магутны, сьмелы
Наш беларускі родны дух,
Штандар наш бел-чырвона-белы
Пакрый сабой народны рух.

На бой! За шчасьце і за волю
Народу слаўнага свайго!
Браты, цярпелі даволі —
На бой усе да аднаго!

Браты, да шчасьця мы падходзім,
Хай гром гудзе яшчэ мацней,
У крывавых муках мы народзім
Жыцьцё Бацькоўшчыны сваей,
Жыцьцё Бацькоўшчыны сваей!