Шыпшына (1927)/III/Гнуцца вербы

← Ах, не!

Гнуцца вербы Верш Аўтар: Пятро Глебка 1927 год

Ты расла →

Іншыя публікацыі гэтага твора: Гнуцца вербы.

Прапануем да спампаваньня!

ГНУЦЦА ВЕРБЫ

Гнуцца вербы,
гнуцца нізка,
гнуцца аж да долу…
Дарагая, сядзь-жа блізка,
раскажы пра долю.

Я вачэй тваіх праменьні
пад нябесны колер
расцалую,
можа меней
будзе ў сэрцы болю.

Гнуцца вербы,
гнуцца ніжай,
гнуцца аж да долу.
Дарагая, сядзь-жа бліжай,
раскажы пра долю.

Вясна 1926 г.
Менск