Шляхам Змаганьня/Хай нам жыве

З пляцоўкі Вікікрыніцы
Перайсьці да навігацыі Перайсьці да пошуку
Кліч волі Хай нам жыве
Верш
Аўтар: Уладзіслаў Казлоўскі
1935 год
Трымаймася горда


ХАЙ НАМ ЖЫВЕ…

Хай нам жыве Беларусь дарагая
Сьмела да волі ідзе.
Мэты сваей хай хутчэй дасягае,
Люд свой да шчасьця вядзе.

Мы за Цябе наша родна Краіна,
Сэрцам, душой стаімо,
А як надойдзе патрэбна хвіліна —
Сьмела жыцьцё аддамо.

Мы — дзеці працы. Ня страшны нам хмары.
Ўсім мы дамо, хто што варт.
Жыцьцё патрапім злажыць на аўтары,
Бо ў сэрцы ў нас — волі гарт.

Дык брацьця, сьмела ідзём мы наперад
Куйма адважна свой лёс!
Доўгай няволі парвём стары нерат,
Што мохам крыўды парос.