Ці чулі?
| ← Толькі адна ночка | Ці чулі? Абразок Аўтар: Вячаслаў Вячаслававіч Адамовіч 1921 год Крыніца: Часопіс «Раніца», № 4, 25 сьнежня 1921 г., б. 2 |
Апошні час → |
Прапануем да спампаваньня!
Ці чулі мае дарагія, як бьецца сэрца ў маіх грудзёх, як рвецца душа на волю, да неба, да яскравых зор!…
Ці чулі гоман лісьцяў зялёных казкі чароўныя галін?
Ці чулі, як хвалі халодныя, аб бераг бьюцца, і цалуюць цёмны сітняк?
Ці чулі, як русалкі ў блеску цудоўным месяцы вяночкі сьплетаюць і песьні пяюць…
Ці чулі як недзе далёка, далёка ў цёмным бары пяе салавейка аб шчасьці, аб каханьні, аб лепшым жыцьці?
Яго няма ў нас з табою, людзі аднялі яго ў нас. Нашыя песьні з табою поўны нуды, жалю і радасьці ў іх, ня пачуеш — толькі гора ў іх, сьлёзы і сьмерць… Дык чаму-ж, ты доля злая, ня пашлеш пам сьмерці хутчэй!…
Чаму?
Хай сэрца астыне, біцца перастане… замрэ і душа адляціць… Чуеш, хай так будзе з намі.
* * *
Ці чуеш мая дарагая, як сэрца бьецца ў маіх грудзёх, як ірвецца душа на волю! да неба! да іскравых зор!…
Дзяргач.