Цішка Гартны (1923)/Пасьвячэньні/Цішку Гартнаму

← Пролетарская поэзія і лірыка Цішкі Гартнага

Цішку Гартнаму Верш Аўтар: Янка Купала 1923 год

З. Жылуновічу →

Іншыя публікацыі гэтага твора: Цішку Гартнаму (Купала).

Прапануем да спампаваньня!

Цішну Гартнаму.

У пятнаццатую гадавіну яго шчырай пясьнярскай працы на карысьць Беларускага працоўнага люду.

Многа поля з добрай доляй,
Нешчасьліва і шчасьліва,
Праляцеў ты, мой саколе,
Па-над роднай сваёй нівай.

У сьвітаньне, у прадвесьне,
З непамернай гордай сілай
Пела бура табе песьні,
Думкі бурныя будзіла.

І мацнелі твае крыльлі,
І мацнеў дух неўгамонны,
А вясёлкі шлях сачылі,
А маланкі слалі ўклоны.

Яснай зрэнкай з-пад аблокаў
Азіраеш пуцявіну,
Па якой ты ненарокам
Мкнуўся к сонцу бязупыну.

Нікнуць чары ў пору гэту,
З воч спадае асьляпленьне,
І законы піша сьвету
Людзкай працы вызваленьне.

Гэй, ляці, саколе, далей
Па-над буйнай Беларусяй!
Ня спыняйся ў векаў далі
І ня гніся, як ня гнуўся.

Янка Купала.

Менск, 21/XI—23 г.