Хрэстаматыя новай беларускай літэратуры (1927)/IV/В/Цішка Гартны/З ранейшых вершаў/Да Нёмна

← Многа сіл маладых…

Да Нёмна Верш Аўтар: Цішка Гартны 1927 год

Восень →

Іншыя публікацыі гэтага твора: Да Нёмна (Гартны).

Прапануем да спампаваньня!

Да Нёмна.

Эх, ты, Нёман-рака!
Ці ты думаў, ці сьніў,
Як сьлязу мужыка
У свае воды лавіў,

Што надыйдзе пара —
Зьнемажэньне міне,
Адраджэньня зара
Над народам блісьне?..

Як стаяў над табой
Сын нядолі худы
І над цёмнай вадой
Сьпяваў^[1] песьні нуды,

Што з балючых грудзей
Беларусі дзяцей, —
Над табой загудзе
Песьня вольных людзей?

---

---

1. Ужываецца болей — пяяў.