Хрэстаматыя новай беларускай літэратуры (1927)/IV/Б/А. Петрашкевіч/Перасьцярога

← Спатыкаць пайду вясну…

Перасьцярога Верш Аўтар: Альфонс Петрашкевіч 1927 год

⁂ (Скачы, браце, у роднай хаце…) →

Іншыя публікацыі гэтага твора: Перасьцярога (Петрашкевіч).

Прапануем да спампаваньня!

А. Петрашкевіч.

Перасьцярога.

Дзеткі, дзеткі, ня глумеце
Гэтых кветак-васількоў,
Без патрэбы іх ня рвеце
І ня керзайце^[1] вянкоў!

І ня кідайце на шляху,
Падарожны каб таптаў,^[2]
Каб бясьсільных і бяз паху
Вецер з пылам разам гнаў.

І ня кідайце, каб сонца
Іx сушыла, іх пякло,
Лепш нясеце на ваконца,
Дзе спакойна і — сьвятло…

Хай памруць яны ў спакою,
Не стаптаныя нікім,
І паблекшаю красою
Хай напомняць прышласьць^[3] ўсім.

---

1. Путайце, блутайце.
2. Няправільны зварот — каб падарожны таптаў.
3. Полён. — будучыню.