Хрэстаматыя новай беларускай літэратуры (1927)/III/Б/Зьмітрок Бядуля/Абразкі/Ці я вінават?
| ← Маці | Ці я вінават? Абразок Аўтар: Змітрок Бядуля 1927 год |
Над сажалкай → |
| Іншыя публікацыі гэтага твора: Ці я вінават?.. |
Прапануем да спампаваньня!
Ці я вінават?
Думы, дзеці душы маей, мне супакою не даюць.
Ці ўжо пад гэткай плянэтай дзяцюк радзіўся?..
Ці мо’ я сам вінават у нядбаласьці сваёй?..
Саху я ў рукі ня браў; сякера вышчарбілась, нават і лучыну рашчапаць ахвоты нямашака. Суседзі сьмяюцца, што мазалёў як-бы ня было на руках маіх.
От, пазіраў-бы, як сонейка на балоце заходзіць і стагі залаціць… Як канюх[1] плача над яварам… Цягаўся-б начамі па хвойніку, апусьціўшы галаву на грудзі, заламаўшы рукі на плечы… Заўсёды ад маладзіка да ветаха гэтак рабіў-бы…
Ці я вінават, што неяк люблю пазіраць, як жудасны лес моўчкі калышацца пад зьзяньнем зорак паўночных. Ці я вінават, што люблю на чоўне па шырокай плёсе плысьці… Над маей галавой дзікая качка кружыцца, і салодкі смутак напаўняець душу маю, нібы келіх чыстай крынічнай вадою… Ці я вінават?..
- ↑ Балотная птушка.