Хрэстаматыя новай беларускай літэратуры (1927)/III/Б/Гальляш Леўчык/Чыжык беларускі/Хто адрокся сваіх…

← ⁂ (Каб усе так сьлёзы нашага народу…)

⁂ (Хто адрокся сваіх…) Верш Аўтар: Гальяш Леўчык 1927 год

Дудачка →

Іншыя публікацыі гэтага твора: Хто адрокся сваіх…

Прапануем да спампаваньня!

∗
∗     ∗

Хто адрокся сваіх,
Хто стыдацца нас стаў
І прыліп да чужых,
Каб ён сьвету ня знаў!

Мову родную хто
Пазабыў^[1], асьмяяў,
Загубіў за нішто,
Каб ён сьвету ня знаў!

Сваю родну зямлю
Хто чужынцу прадаў —
Скрыўдзіў вёску сваю,
Каб ён сьвету ня знаў!

Хто з народам ня жыў
І карысьці ня даў,
Хто сваіх ня любіў —
Каб ён сьвету ня знаў!

---

---

1. Рус. — забыўся.