Хрэстаматыя новай беларускай літэратуры (1927)/III/Б/Гальляш Леўчык/Чыжык беларускі/Каб усе так сьлёзы нашага народу…

← ⁂ (Калі ка мне сьмерць набрыдзе…)

⁂ (Каб усе так сьлёзы нашага народу…) Верш Аўтар: Гальяш Леўчык 1927 год

⁂ (Хто адрокся сваіх…) →

Іншыя публікацыі гэтага твора: Каб усе так сьлёзы нашага народу…

Прапануем да спампаваньня!

∗
∗     ∗

Каб усе так сьлёзы нашага народу
Раптам сабраліся ў дажджавую воду,
То такім бы ліўнем хлынулі, плылі,
Што другі патоп зноў быў-бы на зямлі:
Сорак дзён і ночаў дождж тагды ўсё ліў-бы,
Цэлы сьвет вадою зноў ён затапіў-бы!

Каб усю так крыўду беднай Беларусі,
Стогны, боль, загубу (зносіць што ў прымусе),
Жальбы ўсе і гора сонцу паказаць,
То ад грому неба стала-бы дрыжаць,
З пяруноў-маланак хутка-бы аглухла,
Ад пракляцьця-ж сонца яснае патухла!...