Хрэстаматыя новай беларускай літэратуры (1927)/II/Б/Якуб Колас/З ранейшых вершаў/На новы год

На новы год (1907)
Верш
Аўтар: Якуб Колас
1927 год

Прапануем да спампаваньня!

На новы год. (1907)

З новым годам, шчасьцем новым!
Дай-жа, Божа, гэты год
Каб успомніў шчырым словам
Працавіты ўвесь народ!

Каб больш сьлёзы ня ліліся,
Каб ня падаў чалавек,
Каб астрогі запярліся
Ад людзей на вечны век.

Каб казалі, што хацелі,
Каб ня гнулісь, як цяпер,
Каб са страхам не глядзелі
На вураднікаў каўнер.

Каб пабольшала нам поле,
Каб разросься вузкі луг,
Каб сьпявалі^[1] песьні волі
Дзяржучы жалезны плуг.

Дай Бог шчасьця вам і долю,
Ўсім, хто сьлёзы праліваў,
Хто у бедным, родным полі
Зерня праўды засяваў!